April 2025 Horoscope: 5 Lucky Zodiac Signs Of The Month

April 2025 Horoscope: 5 Lucky Zodiac Signs Of The Month

#Horoscope #astrology #yearlyhoroscope #ugadihoroscope #ugadi #ugadi2025 #zodiac #zodiacsign #Taurus #Cancer #Capricorn #Libra #Pisces

https://www.lifenazara.com/lifestyle/astrology/april-2025-horoscope-5-lucky-zodiac-signs-of-the-month

ಹುಸಿ ಮುನಿಸಿನ ಹಾಗೆ ಪ್ರೀತಿ

ಗೆಳತೀ, ನನ್ನ ಮನಸು
ನಿನ್ನ ಹುಸಿ ಮುನಿಸಿನ ಹಾಗೆ
ಪ್ರೀತಿಯೂ ಬಯಸಿದೆ

ಭಾವನೆಗಳ ಸರಸದ ಹಾಗೆ
ಸಲ್ಲಾಪದ ಸಂಭಾಷಣೆಗೂ
ತುಡಿದಿದೆ

ವಿರಹದ ಬತ್ತಳಿಕೆಯಿಂದ
ತೆರೆದು ಹೂಡಿದಂತೆ ನಿನ್ನ ನೋಟ
ಸಂದಿಗ್ದತೆಯ ನಡುವಿನ
ತೊಳಲಾಟದಂತೆ ನನ್ನ ಮನಸು
ಮೌನದ ಸೇತುವೆಯೊಂದು
ಕೂಡಿಸ ಹೋರಾಟ ಹಾಗೆ
ಭಾಸವಾಗಿದೆ

ಕಣ್ಣ ಸನ್ನೆಯೇ ಪರಿಚಯವಾಗಿದೆ
ಮುಗುಳುನಗೆ ಮಾತನಾಡಿದೆ
ಮುಂಗುರುಳು ಕೈ ಬೀಸಿ ಕರೆದ ಹಾಗೆ
ಹೃದಯಕೆ ಹತ್ತಿರವಾಗಿರುವೆ
ಹಿಡಿಯ ಹೋದರೆ ಮಾಯವಾದೆ
ಮರೀಚಿಕೆಯ ಹಾಗೆ

ಮರಳ ತೀರದ ಸಂಜೆ

ತಿಳಿಸಂಜೆಯಾಗಿದೆ
ನಸುಗತ್ತಲು ಕವಿದಿದೆ
ಮರಳ ಹಾಸಿಗೆ ತಲೆಯಾನಿಸಿ
ಸುಮ್ಮನೆ ಮಲಗಿರುವೆ
ಬಯಕೆ ತೀರದ ದಿನ ಕಳೆಯಿತೆಂದು
ಮರುಗಿ ಮುಲುಗಿರುವೆ




ಯಾಕೋ ಯೋಚನೆ
ಸೊಂಪು ಪೈರಿನ ನಡುವೆ ಬೆಳೆದ ಕಳೆಯಂತೆ
ಕಾಡುತಿದೆ ಅಗಲದ ನೆರಳಿನಂತೆ
ತಂಗಾಳಿಯೊಂದು ಮೆಲ್ಲನೆ ಬೀಸಿರಲು
ಕೊಂಚ ತಂಪನೆಯ ಅನುಭವ
ಸುಮ್ಮನೆ ಕಳೆದಂತೆ ಬಿಡಿಸಲು ಬಾರದ ಗೋಜಲು

ಸಕ್ಕರೆ ಮರಳಿಗೆ
ಕಾಲು ತಾಕಿಸಿ ನಡೆದಿರುವೆ
ಕಪ್ಪು ಕತ್ತಲಿನ ನಡುವೆ ಮೆಲ್ಲನೆ ಸರಿದಿರುವೆ

ಮರೀಚಿಕೆಯ ಹುಡುಕುತ

ಕಾಡ ಮಲ್ಲಿಗೆ ಅರಳಿದಂತೆ ನೀ ನಗುತಿರಲು
ನಾಚಿ ಬಳುಕುತಿದೆ ನಿನ್ನ ಮುಂಗುರುಳು
ಗುಳಿಕೆನ್ನೆಗಳ ಹೊಳಪು
ಮಂದಹಾಸವೊಂದು ಸುಳಿದಿರಲು
ನಗು ಕಪಟವೋ,ದಿಟವೋ
ಅರಿಯಲಾಗದ ಗೋಜಲು




ಮತ್ಸ್ಯ ಕನ್ಯೆಯಂತೆ ಬಳುಕಿ ನೀ ಬಂದಿರುವೆ
ತಂಗಾಳಿಯೊಂದು ಸೋಕಿದಂತೆ ನಾ ನಿಂತಿರುವೆ
ಹಿತವಾಗಿದೆ ಮನಸಿಗೆ
ಮರೆತಿರಲು ತನ್ನತನದ ಪರಿವೆ
ನೀ ನನ್ನ ನೋಡುತಿರುವೆ
ಕಣ್ಣ ಸನ್ನೆಯಲಿ ಸನಿಹಕೆ ಕರೆದಿರುವೆ

ನಾ ನಿನ್ನೆಡೆಗೆ ನಡೆದಿರುವೆ
ಕಳೆದಿರುವೆ ನೀನು ಮರೀಚಿಕೆಯಂತೆ
ಸುಳಿದು ಮರೆಯಾಗಿರುವೆ
ರೂಪಸಿ ಕಾಡಬೆಳದಿಂಗಳಿನಂತೆ